"AZKEN ESKLABOA" (Kollontai, 1921)

Aleksandra Kollontai:

AZKEN ESKLABOA

Aleksandra Kollontai (Alderdi Boltxebikea) 

 

Gizaldietan zehar, ekialdeko emakumea isilik egon da; errusiar iraultza proletarioaren deiadar indartsua beharrezkoa izan da mendetako lozorrotik esnatzeko. Komunismoaren, lanaren eta adiskidetasun unibertsalaren iragarpena —sexuen arteko berdintasunarena eta elkartasun orokorrarena— ekialde urrunera iritsi da dei erakargarri bat bezala, jendetza kolore bizi eta nabarretara iratzarriz. Ekialdea mugitu egin da. Pobreak, satrapen eta aberatsen aurka bihotzean metatutako gorroto guztiarekin, bandera gorrira altxatzen hasi dira, hots, denen askatasunaren, berdintasunaren eta lanaren sinbolora. Historian lehenbiziko aldiz, eurei zuzendutako deia entzun du Ekialdeko emakumeak —zapalduen artean zapalduenak. Berak —ia gauza bat baino ez zena, garbiketarako osagarri bat, gailu xume eta isil bat— komunismoaren bandera gorriak berdintasunerako eta Iraultzaren lorpen guztien jabe izateko egiten dion deia jaso du.

Ekialdeko emakumea, lehenbiziko aldiz mende askoren ondoren,  beloa arbuiatu eta askapenaren sinbolorantz, komunismoaren bandera gorrirantz doan jendetza iraultzailearekin elkartu da.

Sobietar errepublikak hilabete bat betetzen duen bakoitzean, komunismoaren oinarriak sendotzen direlarik, ekialdeko emakumeen arteko eferbeszentzia handitzen da. Lehenbiziko aldiz, ekialdeko emakumea historian agertzen da Baku-ko Ekialdeko Herrien Batzarrean. Populazio musulmana nagusi den Errusia sovietista osoko lurraldeetan, ekialdeko Errepubliketan, emakumeen artean ideien lan sakon bat gauzatzen da. Ideia sovietista desjabetu guztiak erakartzen dituen makiltxo magiko baten antzeko zerbait da, ekialdeko arrazak besteetatik banatzen dituzten harresiak apurtu eta sakabanaturik zeuden indarrak elkartzen dituena. Emakumeek heziketa eskubidea eskatzen dute. Ekialdeko emakumeak heziketa publikoko sailen inguruan elkartzen dira, beloa kenduta. Tatariarrak, persiarrak, sartarrak, sinbolo zikin horren aurka borrokatzen dute. Teheranen, non hiriburuko lurra jada prest den komunismoaren etorkizuneko hazia izateko, emakumeen konferentzia bat antolatu egin da honako deiadarra duelarik: «Behera beloa!» [...]

—Aleksandra Kollontai  (Bulletin Communiste, 11 zenbakia, 1921eko martxoaren 17a)

Алекса́ндра Миха́йловна Коллонта́й

Emakumeak, proletalgoaren diktaduraren zutabe Lenin eta Trotskyren garaiko Errusia sovietarrean

 Propaganda boltxebikea

 Alfabetatze-kanpaina Asia sovietarrean