Karl LIEBKNECHT:
“Euren erresumak iraultzaren
sugarra bihotzetan berpiztea lortuko duelako”
[…] “Espartako”
deuseztua izan da! Egia da. Baina hemen jarraitzen dugu. Ez dugu ihes egin, ez
gara hil. Eta nahiz-eta kateatuak izan, hemen jarraituko dugu… lortu nahi dugun
garaipena esku artean izan arte. “Espartako” sua eta espiritua da, arima eta
bihotza da, proletalgoaren iraultzaren aldeko gogoa eta ekintza da. “Espartako”
egungo miseria guztia eta zoriontasunerako nahi naturala da, proletalgoaren
klase kontzientzia guztia eta bere borrokarako kemen guztia bere baitan
gordetzen du.
Langileriaren
Golgotarako bidea ez da oraindik amaitu. Baina askapenaren eguna geroz eta
gertuago dago. Ebert-Scheidemann-Noske-ren eta euren atzean ezkutatzen diren
kapitalismoaren boteretsuen epaiketaren eguna izango da. Gertakarien uhinak
zeruraino altxatzen dira… eta gu ohituta gaude goi-goitik sakontasunera jaurtikiak
izaten, baina aurkako norabiderako ere ohiturik gaude, gure itsasontziak
zehaztua duen helburura tinko bere bidea egiten galarazi gabe.
Gu, helburu hori
lortzean, gizakien artean izatea ala ez, ez du axolarik, zeren gure programa
bizirik iraungo du gizadi librearen mundua zuzentzeko… Gertatuak gertatu!
Gertatuak gertatu; orain
arteko hondamen eta porrota guztiak jasan arren, ustez lokarturik den
proletarioen armada azken epaiketaren tronpeten aurrean bezala esnatu eta eraildako
borrokalari guztien hilotzak zutik jarriko dira euren madarikazioak besterik merezi
ez dituzten horiei kargu hartzeko. Gaur soilik sumendiaren lurpeko harrabotsa
entzuten da, baina bihar erupzio bidez eztanda egingo du gaurko garaileak suzko
errauts eta laba ibaien azpian lurperatzeko.
—Karl Liebknecht (KPD-Spartakusbund) Gertatuak
gertatu! 1919ko urtarrilak 14
iruzkinik ez:
Argitaratu iruzkina
Oharra: blogeko kideek soilik argitara ditzakete iruzkinak.